Lajme

Sot hedhim në qarkullim GCompris version 25.0.

Siç e shihni, tani e bazojmë numrin e versionit të rëndësishëm në vitin e hedhjes në qarkullim. Kjo ka kuptim, ngaqë po realizojmë një version të rëndësishëm në vit. Është gjithashtu një rast i mirë ta bëjmë tani, për të kremtuar 25-vjetorin e GCompris-së.

Ky version shton përkthime për një gjuhë më tepër: sanskritisht.

Ky version i ri përmban 195 veprimtari, përfshi 5 të reja:

• “Skicë” është një veprimtari për të vizatuar lirisht me mjete të shumta, për t’i lënë fëmijët të eksplorojnë frymën e tyre krijuese.
• “Llogaritni me plotësues të dhjetës” është vazhdimi i veprimtarive ekzistuese me plotësues të dhjetës. Kjo i ndihmon fëmijët të këmbejnë numra për të njehsuar kollaj një shumë.
• “Mbledhje vertikale” është një veprimtari për shkrimin e një mbledhjeje dhe kryer atë.
• “Zbritje vertikale” është e ngjashme me veprimtarinë e mbledhjes, por për zbritje, me metodën e marrjes hua përmes rigrupimit.
• “Zbritje vertikale (kompensim)” është e ngjashme me veprimtarinë e zbritjes, me metodën e marrjes hua përmes kompensimit.

Përmban ndreqje të metash dhe përmirësime elementësh grafikë në shumë veprimtari.

Me ndihmën e mësuesve, rishkruam një pjesë të madhe të përshkrimit të veprimtarive, për të qenë më të qarta.

Kur ndërroni gjuhën te menuja, tanimë gjuha e re vihet në punë drejtpërdrejt, pa u dashur të riniset GCompris-ja.

Nga ana teknike, është gjithashtu hedhja e parë në qarkullim që përdor Qt6.

Kemi vënë gjithashtu direct3d11-n si parazgjedhje për vizatuesin grafik në Windows.

Është plotësisht i përkthyer në gjuhët vijuese:

• Arabisht
• Bullgarisht
• Bretonisht
• Katalanisht
• Katalanisht (Valencie)
• Greqisht
• Spanjisht
• Baskisht
• Frëngjisht
• Galicisht
• Kroatisht
• Hungarisht
• Italisht
• Letonisht
• Malajalamisht
• Holandisht
• Polonisht
• Portugalishte Brazili
• Rumanisht
• Sanskritisht
• Sllovenisht
• Suedisht
• Turqisht
• Ukrainase

Gjithashtu është i përkthyer pjesërisht në gjuhët vijuese:

• Azerbajxhanase (90%)
• Bjellorusisht (86%)
• Çekisht (98%)
• Gjermanisht (88%)
• Anglishte Britanike (99%)
• Esperanto (99%)
• Estonisht (88%)
• Finlandisht (91%)
• Hebraisht (96%)
• Indonezisht (93%)
• Georgian (85%)
• Lituanisht (92%)
• Maqedonisht (83%)
• Norvegjishte Nynorsk (94%)
• Portugalisht (89%)
• Rusisht (92%)
• Sllovakisht (82%)
• Shqip (98%)
• Suahili (92%)
• Kineze Tradicionale (88%)

Te faqja e shkarkimeve mund të gjeni paketa të këtij versioni të ri për GNU/Linux, Windows, Android dhe Raspberry Pi. Ky përditësim do të jetë së shpejti gati edhe te shitorja Android Play, depoja F-Droid dhe shitorja Windows.

Faleminderit të tërëve,
Timothée & Johnny