Noticia

Ola,
Comprácenos anunciar a publicación da versión 0.95 de GCompris.

Esta nova versión contén 7 actividades novas:

Lámpadas binarias: para aprender a contar en binario

Actividade de vía férrea: para adestrar a memoria visual

Sistema Solar: para aprender o Sistema Solar

Nomea a nota: para aprender a recoñecer notas musicais e os seus nomes

Tocar o piano: para practicar a lectura de notas nunha partitura

Reproducir o ritmo: para practicar o seguimento dun ritmo musical

Composición de piano: para aprender a compoñer unha partitura musical

Podes atopar paquetes desta nova versión para GNU/Linux e Windows na páxina de descargas. Esta actualización tamén estará dispoñíbel nuns días nas tendas de Android e Windows. Para Raspberry Pi forneceremos un instalador a comezos de 2019. As versións actualizadas para MacOS e iOS aínda non están dispoñíbeis, esperamos poder publicalas durante o vindeiro ano.

No que respecta ás traducións, temos 15 idiomas completamente traducidos:catalán,chinés tradicional,francés,galego,grego, húngaro,inglés británico, italiano, malaio,neerlandés,portugués,romano,sueco, ucraíno evalenciano.
Tamén temos 19 idiomas con traducións parciais: alemán (86%),bielorruso (69%), bretón (54%), castelán (95%), chinés simplificado (69%), eslovaco (62%), esloveno (57%),estoniano (63%),éuscara (78%), finés (61%), gaélico escocés (71%),gaélico irlandés (82%),hindú (77%),indonesio (84%), noruegués (89%),polaco (94%),portugués do Brasil (74%), ruso (74%) eturco (74%).

Normalmente só distribuímos traducións que están polo menos ao 80%. Porén, para esta versión varios idiomas baixaron do 80%. Decidimos mantelas de maneira excepcional durante esta versión, e esperamos que os tradutores actuais ou tradutores novos as completen. Se obtemos actualizacións ou novas traducións, publicaremos actualizacións para incluílas. Así que se o seu idioma está na lista de traducións parciais, ou nin sequera está na lista, e quere axudar, contacte connosco e fornecerémoslle instrucións para empezar a traducir.

Outra forma de axudar é escribir novas na túa comunidade sobre GCompris, e non dubides en darnos a túa opinión.

Notas:

Notas: - En GNU/Linux e Windows adoitábamos ter dous instaladores por separado para OpenGL e renderización por software. Agora os dous métodos de renderización están dispoñíbeis nun mesmo instalador. Intentamos usar OpenGL de maneira predeterminada, e se non funciona agora mostramos un erro e cambiamos ao método de renderización por software. Este cambio automático é novo e pode que non funcione en todos os casos. Se non te funciona, podes seleccionar o método de renderización por software manualmente editando o ficheiro de configuración (en ~/.config/gcompris/gcompris-qt.conf en Linux, %LocalAppData%/gcompris/GCompris.conf en Windows): atopa a liña «renderer=auto», cambia «auto» por «software» e garda o ficheiro. Tamén nos gustaría que nos deses a túa opinión sobre como melloras esta detección automática.

- Decatámonos de que o idioma malaio ten algúns problemas co tipo de letra predeterminado, «Andika-R». Aos usuarios que usen ese idioma recomendámoslles seleccionar o tipo de letra «Noto-Sans-Malayalam» desde o menú do aplicativo (se non está dispoñíbel na lista, ten que instalar o tipo de letra no sistema para poder seleccionalo).

Grazas a todos,
Timothée e Johnny