Lajme
Sot hedhim në qarkullim GCompris version 2.4.
Optimizuam madhësinë e krejt paketave për krejt platformat dhe të grupit të jashtëm të figurave për fjalët (~30% më pak).
Nëse çaktivizuat shkarkimin e automatizuar dhe doni të keni grupin e plotë të figurave, duhet të kaloni te formësimi dhe të klikoni mbi \“Shkarko grupin e plotë të figurave për fjalët\”.
Nën të shfaqet teksti \“Grupi i plotë i figurave për fjalët është i instaluar\”, kur keni versionin më të ri.
U shtuan zërat e hyrjes për norvegjishte Nynorsk nga Karl Ove Hufthammer dhe Øystein Steffensen-Alværvik. Zërat e malajalamases u plotësuan nga Aiswarya Kaitheri Kandoth.
Për disa veprimtari janë përditësuar mjaft figura.
Ndreqëm gjithashtu pak të meta te veprimtaritë “Energji e Rinovueshme”, “Cikël Ujor” dhe “Përshoqërime Logjike”.
Te faqja e shkarkimit mund të gjeni paketa të këtij versioni të ri për GNU/Linux, Windows, Raspberry Pi dhe macOS. Ky përditësim do të jetë së shpejti i passhëm edhe te shitorja Android Play, depoja F-Droid dhe shitorja Windows.
Faleminderit të tërëve,
Timothée & Johnny
Sot hedhim në qarkullim GCompris version 2.3.
Meqë vumë re se versioni 2.2 u hodh në qarkullim me një të metë që prishte 3 veprimtari (\“Sekuencë alfabeti\”, \“Numra tek dhe çift\” dhe \“Numra sipas radhe\”), vendosëm ta ndreqim pa humbur kohë me një hedhje të re mirëmbajtje në qarkullim.
Si zakonisht, te faqja e shkarkimit mund të gjeni paketa të këtij versioni të ri për GNU/Linux, Windows, Android, Raspberry Pi dhe macOS. Ky përditësim do të jetë së shpejti i passhëm edhe te shitorja Android Play, depoja F-Droid dhe shitorja Windows.
Faleminderit të tërëve,
Timothée & Johnny
Njatjeta,
Jemi të gëzuar të njoftojmë hedhjen në qarkullim të GCompris version 2.2.
Kjo është një hedhje në qarkullim mirëmbajtje, pra, çdo shpërndarje GNU/Linux që jep 2.0 ose 2.1 duhet të përditësohet me 2.2.
Ja një përmbledhje e ndryshimeve të përfshira:
- Dhënie dëshmie SSL për të shkarkuar burimet për telefona/tablete me Android të dikurshëm, të cilët nuk kanë, ose s’arrijnë të shkarkojnë të dhëna (https://bugs.kde.org/show_bug.cgi?id=447572).
- Figura të reja te veprimtaria Tangram.
- Ndreqje e një të mete në numërim së prapthi, kur peshku ka kryer një xhiro, s’qe e mundur të fitohej, edhe kur jepej përfundimi i duhur.
- Ndreqje e një ngrirjeje të programit te veprimtaritë për mësim numrash dhjetorë, kur ndryshoheshin nivele.
- Mjaft ndreqje dhe përmirësime të vockla.
Për sa i përket përkthimit:
- Është plotësuar përkthimi rusisht.
- Zëra të rinj shtuar për norvegjishten Nynorsk (krejt, hiq zërat e hyrjes).
Te faqja e shkarkimit mund të gjeni paketa të këtij versioni të ri për GNU/Linux, Windows dhe MacOS. Ky përditësim do të jetë gjithashtu së shpejti i passhëm te shitorja Android Play, depoja F-Droid dhe shitorja Windows. Së shpejti do të jetë gati edhe paketa për Raspberry Pi.
Faleminderit të tërëve,
Timothée & Johnny
Njatjeta,
Jemi të gëzuar të njoftojmë hedhjen në qarkullim të GCompris version 2.1.
Kjo është një hedhje në qarkullim mirëmbajtje, pra, çdo shpërndarje GNU/Linux që jep 2.0 duhet të përditësohet me 2.1.
Ndryshimi më i rëndësishëm është se shkarkimet e burimeve në disa versione të dikurshëm të Android-it do të duhej të funksiononin sërish.
Ja një përmbledhje e ndryshimeve të përfshira:
- Dhënie dëshmie SSL për të shkarkuar burimet për telefona/tablete me Android të dikurshëm, të cilët nuk kanë, ose s’arrijnë të shkarkojnë të dhëna (https://bugs.kde.org/show_bug.cgi?id=447572).
- Janë përditësuar elementë grafikë për veprimtaritë “Kuti baraspeshimi” dhe “Fshijeni”.
- Ndreqje e një të mete në numërim së prapthi, kur peshku ka kryer një xhiro, s’qe e mundur të fitohej, edhe kur jepej përfundimi i duhur.
- Ndreqje e një ngrirjeje të programit te veprimtaritë për mësim numrash dhjetorë, kur ndryshoheshin nivele.
- Shtim etikete për të trasha, për vijën e kontrolleve nga tastiera, për veprimtaritë e kodimit.
- Ndreqje e fundit të listës së veprimtarive, që nuk dukej, kur rrëshqitej poshtë drejt fundit.
- Në Windows, heqje e turbullimit në ekrane HiDPI, kur instalohet GCompris-i.
Për sa i përket përkthimit:
- Janë plotësuar bretonishtja dhe maqedonishtja.
- Është rikthyer çekishtja (përkthim i pjesshëm, mbi 80% tani për tani).
Te faqja e shkarkimit mund të gjeni paketa të këtij versioni të ri për GNU/Linux, Windows dhe MacOS. Ky përditësim do të jetë gjithashtu së shpejti i passhëm te shitorja Android Play, depoja F-Droid dhe shitorja Windows. Së shpejti do të jetë gati edhe paketa për Raspberry Pi.
Faleminderit të tërëve,
Timothée & Johnny
Tungjatjeta,
\Kemi kënaqësinë t’ju njoftojmë hedhjen në qarkullim të GCompris 2.0. Vlerat edukative dhe orët e dëfrimit që ofron për fëmijët e të gjitha moshave e bën dhuratën e përsosur për këto pushime festive.
Përmban mjaft veprimtari të reja dhe të përmirësuara. Më poshtë vijon një përmbledhje e ndryshimeve të përfshira.
Veprimtari të reja:
- Miu për bebe është për fëmijë që mësojnë të ndërveprojnë për herë të parë me një kompjuter.
- Oware është një lojë tradicionale afrikane për strategji, mund të luhet kundër kompjuterit ose me një shok.
- Te Kodim shtigjesh (absolute ose relative) fëmijët lypset të japin një grup udhëzimesh për ndjekje te një rrjetë të një shtegu të caktuar.
- Shkodim shtigjesh (absolute ose relative) është e kundërta. Fëmijët duhet të krijojnë shtegun që i përgjigjet një grupi të caktuar udhëzimesh.
- Te “Mësoni sasitë”, synimi është të numërohen sa objekte duhen për të përfaqësuar një sasi.
- Te “Mësoni numrat dhjetorë”, fëmijët presin njësi në copa, për të mësuar konceptin e numrave dhjetorë.
- “Mësoni mbledhje dhjetore” dhe “Mësoni zbritje dhjetore” përdorin të njëjtat parime si “Mësoni numrat dhjetorë”, por këtë herë për të praktikuar këto veprime.
- Me “Renditje numrash”, fëmijët mund të praktikojnë renditje numrash në rend rritës ose zbritës.
- Me “Renditje shkronjash”, fëmijët mund të praktikojnë renditje shkronjash në rend alfabetik ose në kah të kundërt.
- Renditja e togfjalëshave është një hap më sipër, në të cilën fëmijët mund të ushtrohen në lexim dhe gramatikë, duke renditur pjesë të një togfjalëshi.
- “Pozicione” është një veprimtari për të mësuar terma që përshkruajnë pozicionin relativ të një objekti.
Veprimtari të përmirësuara:
- Elektriciteti analog ka një nivel të ri grupi përkujdesoreje
- Labirinti i programimit ka një grup të ri të dhënash që përmban veprime me “loop” dhe tani figurat e përkujdesores përkatëse janë të përkthyera.
- Veprimtaritë e “Kapelës magjike” kanë grupe të reja të dhënash, për fëmijë më të vegjël.
- Te “Sistemi diellor” tani përdorim ditë dhe vite tokësore për krejt planetët.
- Te veprimtaritë e Gjeografisë, krejt hartat janë vizatuar sërish dhe përditësuar, duke përdorur projeksione më të mira dhe në formatin svg. Shtuam gjithashtu harta të reja për çdo pesë të Azisë (Lindje, Juglindje, Jug, Qendrore dhe Perëndime).
- Figura të reja dhe përmirësime pamore për veprimtaritë Hanoï, Shkronja që mungojnë, veprimtaritë Para, Gjuetar fotosh, Ngjyrosje e thjeshtë dhe Tangram.
- Kemi një zgjerim të ri për Inkscape, për t’ju ndihmuar të krijoni harta dhe puzzle-e në svg (https://invent.kde.org/education/gcompris/-/tree/master/tools/inkscape).
… dhe mjaft ndreqje dhe përmirësime të vockla.
Për sa i përket përkthimit, GCompris 2.0 përmban 33 gjuhë. 26 gjuhë janë plotësisht të përkthyera: (azerbajxhanisht, anglishte britanike, baskisht, bretone, estonisht, finlandisht, frëngjisht, greqisht, hebraisht, holandisht, hungarisht, indoneziane, italisht, katalanisht, katalanisht (Valencie), kinezçe tradicionale, lituanisht, malajalame, polonisht, portugalishte Brazili, portugalisht, rumanisht, sllovenisht, shqip, spanjisht, suedisht, ukrainase). 7 janë pjesërisht të përkthyera: (bjellorusisht (83%), gjermanisht (96%), norvegjishte nynorsk (96%), maqedonisht (82%), bretonisht (80%), turqisht (76%) dhe rusisht (76%)).
As usual you can find packages of this new version for GNU/Linux, Windows, Android, Raspberry Pi and macOS on the download page. This update will also be available soon in the Android Play store, the F-Droid repository and the Windows store. Te faqja e shkarkimit mund të gjeni paketa të këtij versioni të ri për GNU/Linux, Windows, Android, Raspberry Pi dhe macOS. Ky përditësim do të jetë gjithashtu së shpejti i passhëm te shitorja Android Play, depoja F-Droid dhe shitorja Windows.
Faleminderit të tërëve,
Timothée & Johnny
Njatjeta,
Jemi të gëzuar të njoftojmë hedhjen në qarkullim të GCompris version 1.1.
Kjo është një hedhje në qarkullim mirëmbajtje, pra, çdo shpërndarje GNU/Linux që jep 1.0 duhet të përditësohet me 1.1.
Ja një përmbledhje e ndryshimeve të përfshira:
- Janë përditësuar elementë grafikë për 21 veprimtari.
- Kemi ndrequr plot të meta.
- U shtua një montim për Ubuntu Touch.
- U ndreq drejtshkrimi i distrikteve të Turqisë.
- Shtuam një paketë minimale alternative .msi për Windows.
- I ekzekutueshmi GCompris u rilicencua nën AGPLv3 për shkak të një varësi në veprimtarinë për elektricitet analog.
Për sa i përket përkthimit:
- Janë plotësuar shqipja, bjellorusishtja, portugalishtja e Brazilit dhe rusishtja.
- Janë rikthyer gaelikla e Irlandës dhe maqedonishtja (përkthim i pjesshëm, mbi 80% tani për tani).
- U shtuan grupe fjalësh për veprimtari fjalori për shqipen dhe maqedonishten.
- Janë shtuar krejt zërat për lituanishten.
Tanimë kemi 27 gjuhë që mbulohen plotësisht: anglishte britanike, baskisht, bjellorusisht, bretone, frëngjisht, greqisht, hebraisht, holandisht, hungarisht, indoneziane, italisht, katalanisht, katalanisht (Valencie), kinezçe tradicionale, malajalame, maqedonisht, polonisht, portugalishte Brazili, portugalisht, rumanisht, rusisht, shqip, sllovenisht, spanjisht, suedisht, turqisht, ukrainase.
Kemi gjithashtu 4 gjuhë të mbuluara pjesërisht: gjermanisht (91%), gaelike Irlande (87%), lituanisht (96%) dhe norvegjishte Nynorsk (85%).
Te faqja e shkarkimit mund të gjeni paketa të këtij versioni të ri për GNU/Linux, Windows, dhe MacOS. Ky përditësim do të jetë gjithashtu së shpejti i passhëm te shitorja Android Play, depoja F-Droid dhe shitorja Windows. Së shpejti do të jetë gati edhe paketa për Raspberry Pi.
Faleminderit të tërëve,
Timothée & Johnny
Njatjeta,
Që të kremtojmë 20 vjetët e GCompris-it, jemi të gëzuar të njoftojmë hedhjen në qarkullim të GCompris version 1.0.
Ky version i ri përmban një veçori të re të rëndësishme: shtimin e menusë Rregullime Veprimtare me përzgjedhje Grupi të Dhënash për më tepër se 50 veprimtari, çka lejon zgjedhje më specifike se ç’mund të mësohet në veprimtaritë.
Shtuan gjithashtu 4 veprimtari:
Te faqja e shkarkimit mund të gjeni paketa të këtij versioni të ri për GNU/Linux, Windows, MacOS dhe Raspberry Pi. Ky përditësim do të jetë gjithashtu së shpejti i passhëm te shitorja Android Play, depoja F-Droid dhe shitorja Windows. Kini parasysh që paketa për MacOS s’është e noterizuar.
Gjendjen për zërat në gjuhën tuaj mund ta kontrolloni në këtë faqe: https://gcompris.net/voicestats/. Mund të na ndihmoni duke na dhënë një incizim të hijshëm me zërin tuaj për krejt fjalët që mungojnë në gjuhën tuaj.
Për sa i përket përkthimit, kemi 22 gjuhë që mbulohen plotësisht: Baske, Bretone, Anglishte Britanike, Katalanase, Katalanase (Valencie), Kineze Tradicionale, Holandeze, Frënge, Greke, Hebre, Hungareze, Indoneziane, Italiane, Malajalame, Polake, Portugeze, Rumune, Sllovene, Spanjolle, Suedeze, Turke, Ukrainase.
Kemi gjithashtu 4 gjuhë të mbuluara pjesërisht: Bjelloruse (85%), Portugalishte Brazili (92%), Gjermane (89%), Lituaneze (84%).
Siç është thënë edhe në lajmet e mëparshme, vendosëm të hedhim në qarkullim vetëm përkthime që janë të paktën 80% të plotësuara, që fëmijët të mund të përdorin një version sa më të plotë dhe jo një program të përkthyer përgjysmë. Për fat të keq, na u desh të linim jashtë përkthimin për gjuhët: Estonishte, Finlandeze, Irlandeze Gaelike, Skoceze Gaelike, Galiciase, Hindi, Maqedonase, Norvegjeze Nynorsk, Ruse, Sllovake dhe Kineze të Thjeshtuar.
Nëse gjuha juaj gjendet në listën e të mbuluarave pjesërisht, ose nuk mbulohet më, dhe dëshironi të ndihmoni, ju lutemi, lidhuni me ne (support@gcompris.net) dhe do t’ju japim udhëzime si të filloni të përktheni.
Një rrugë tjetër për të ndihmuar është të shkruani në bashkësinë tuaj postime rreth GCompris-it, dhe mos ngurroni të na jepni idetë tuaja.
Faleminderit të tërëve,
Timothée & Johnny
Njatjeta,
Jemi të gëzuar të njoftojmë se versioni i plotë i GCompris-së tani është i passhëm pa pagesë për çdo platformë të mbuluar prej nesh!
Instaluesit për Windows dhe macOS në sajtin tonë janë përditësuar për të mos kërkuar më kod aktivizimi, dhe versioni i plotë te shitorja Play dhe shitorja e Microsoft-it tani janë falas.
Shpresojmë se kjo lëvizje do ta bëjë më të lehtë për krejt fëmijët në botë të përdorin programin më të mirë edukativ.
Faleminderit të tërëve,
Timothée & Johnny