Albisteak

Gaurkoan GCompris 3.2 bertsioa argitaratzen dugu.

Bertsio berri honek hainbat jardueratan akatsak zuzendu ditu, hala nola"Ezagutu Nazioarteko Morse kodea", "Kontrolatu mahuka" eta musika jardueretan.

"Haurrentzako buruhaustekoa" eta oroimen-jarduera guztietarako grafiko berriak ere baditu.

Komando-lerroko argumentu berri bat gehitu da (--difficulty {value|min-max}) erabiltzaileei zailtasun iragazkia balio edo barruti jakin batean behartzeko aukera ematen diena.

Andika letra-tipoa azken bertsiora (6.200) eguneratu da.

Osorik itzulita dago ondoko hizkuntzetan:

• Bretoiera
• Katalana
• Katalana (Valentziera)
• Grekoa
• EBko ingelesa
• Gaztelania
• Euskara
• Frantsesa
• Kroaziera
• Italiera
• Lituaniera
• Malabarera
• Nederlandera
• Norvegiera Nynorsk
• Poloniera
• Portugesa
• Brasileko Portugesa
• Errumaniera
• Esloveniera
• Turkiera
• Ukrainera
• Txinera tradizionala

Hein batean ere itzulita dago ondoko hizkuntzetan:

• Azerbaijanera (%99)
• Bielorrusiera (%79)
• Txekiera (%88)
• Alemana (%99)
• Estoniera (%99)
• Finlandiera (%94)
• Hebreera (%99)
• Hungariera (%99)
• Indonesiera (%99)
• Mazedoniera (%94)
• Errusiera (%99)
• Eslovakiera (%77)
• Albaniera (%99)
• Suediera (%98)

Eskerrik asko guztiei,
Timothée eta Johnny

Gaurkoan GCompris 3.1 bertsioa argitaratzen dugu.

3.0 bertsioak "Konparatzailea" jardueran errore kritiko bat zuela ohartuta, arazoa konpontzeko 3.1 mantentze argitalpena azkar kaleratzea erabaki dugu.

Itzulpenetan eguneratze gutxi batzuk ere baditu.

zama-jaisteko orrian bertsio berri honen GNU/Linux, Windows, Android, Raspberry Pi eta MacOS-rako paketeak aurki ditzakezu. Eguneratze hau laster egongo da eskuragarri Android Play saltokian, F-Droid gordetegian eta Windows saltokian.

Eskerrik asko guztiei,
Timothée eta Johnny

Atseginez jakinarazten dugu GCompris 3.0 bertsioa argitaratu dela.

182 jarduera ditu, haien artean 8 berri:

• "Saguaren klikarekin trebatzea" jarduera, sagua ezker eta eskuin klik eginez trebatzeko ariketa bat da.
• "Sortu zatikiak" jardueran, adierazi kopuru hamartarrak tarta edo laukizuzen grafiko batzuk erabiliz.
• "Aurkitu zatikiak" jardueran, alderantzizkoa da: idatzi tarta edo laukizuzen grafikoek adierazten duten zatikia.
• "Ezagutu Nazioarteko Morse kodea" jarduerarekin, ikasi nazioarteko Morse kodea erabiliz komunikatzen.
• "Konparatu zenbakiak" jardueran, ikasi, konparazio ikurrak erabiliz, zenbakizko balioak alderatzen.
• "Aurkitu hamarrerako osagarria" jarduera, hamarrerako osagarria kontzeptua ikasteko ariketa erraz bat da.
• "Trukatu hamarrerako osagarria" jardueran, trukatu batuketa bateko zenbakiak, hamarreko osagarria erabiliz hura optimizatzeko.
• "Erabili hamarrerako osagarria" jardueran, deskonposatu batuketa bat, hamarrerako osagarria erabiliz hura optimizatzeko.

Komando-lerroko 2 aukera berri gehitu ditugu:

• Zerrendatu jarduera erabilgarri guztiak (-l edo --list-activities)
• Zuzenean jarduera jakin bat abiatu (--launch jardueraIzena)

Bertsio honek hainbat hobekuntza eta akats konponketa ere baditu.

Itzulpenei dagokionez, GCompris 3.0 36 hizkuntza ditu. 25etan osorik itzulita dago : (azerbaijanera, bretoiera, Britainiako ingelesa, errumaniera, errusiera, esloveniera, estoniera, euskara, frantsesa, gaztelania, greziera, hebreera, hungariera, italiera, katalana, katalana (valentziera), kroaziera, lituaniera, malabarera, nederlandera, norvegiera Nynorsk, poloniera, portugesa, txinera tradizionala, ukrainera). 11 daude hein batean itzulita: (albaniera (%99), alemana (%91), bielorrusiera (%83), Brasilgo portugesa (%94), eslovakiera (%77), finlandiera/suomiera (%94), indonesiera (%99), mazedoniera (%94), suediera (%94), turkiera (%71), txekiera (%82)).

Ohar berezi bat ukrainerako ahotsei buruz, gehitu egin dira, "Save the Children" erakundeak haiek grabatzea finantzatu duelako. GCompris 8000 tableta eta 1000 magalekotan instalatu, eta Ikasketa Gune Digitaletara eta Ukrainako haurrentzako beste toki seguru batzuetara bidali dira.

Kolaboratzaile batek kroazierarako ahotsak ere grabatu ditu.

Ohi bezala, zama-jaisteko orrian bertsio berri honen GNU/Linux, Windows, Android, Raspberry Pi eta MacOS-rako paketeak aurki ditzakezu. Eguneratze hau laster egongo da eskuragarri Android Play saltokian, F-Droid gordetegian eta Windows saltokian.

GNU/Linux banaketetako paketatzaileentzako, kontuan izan «QtCharts QML» pluginarekiko mendekotasun berri bat dugula, eta «Qt5»ekiko eskatutako gutxieneko bertsioa, orain, 5.12 dela. Gainera, «QtQuick.Controls» 1etik «QtQuick.Controls» 2ra ere iragan gara.

Eskerrik asko guztiei,
Timothée eta Johnny

Gaurkoan GCompris 2.4 bertsioa argitaratzen dugu.

Plataforma guztietarako paketeen neurria optimizatu dugu eta hitzen kanpoko irudi-multzoena (~%30 txikiagoa).

Zama-jaiste automatikoa ezgaitu bazenuen eta irudi-multzo osoa izan nahi baduzu, konfiguraziora joan eta "Zama-jaitsi hitzen irudi multzo osoa" gainean klik egin beharko zenuke.

"Hitzen irudi multzo osoa instalatuta dago" testua azaltzen da bertsio berriena instalatuta duzunean.

Norvegiera Nynorskerako sarrerako ahotsak erantsi dituzte Karl Ove Hufthammer-reketa Øystein Steffensen-Alværvik-ek. Malaberarako ahotsak osatu ditu Aiswarya Kaitheri Kandoth-ek.

Zenbait jardueretako irudi asko eguneratu dira.

Energia berriztagarria, Uraren zikloa eta Elkarketa logikoak jardueretan akats batzuk konpondu ditugu.

Bertsio berri honen paketeak aurki ditzakezu GNU/Linux, Windows, Android, Raspberry Pi eta MacOSrako, zama-jaisteko orrian. Eguneratze hau laster egongo da eskuragarri Android Play saltokian, F-Droid gordetegian eta Windows saltokian.

Eskerrik asko guztiei,
Timothée eta Johnny

Gaurkoan GCompris 2.3 bertsioa argitaratzen dugu.

2.2 bertsioa 3 jarduera ("Alfabetoaren hurrenkera", "Zenbaki bikoitiak eta bakoitiak" eta "Zenbakiak ordenan") hausten zituen akats batekin argitaratu zela konturatu ginenez, mantentze-argitalpen berri batekin azkar konpontzea erabaki genuen.

Bertsio berri honen paketeak aurki ditzakezu GNU/Linux, Windows, Android, Raspberry Pi eta MacOSrako, zama-jaisteko orrian. Eguneratze hau laster egongo da eskuragarri Android Play saltokian, F-Droid gordetegian eta Windows saltokian.

Eskerrik asko guztiei,
Timothée eta Johnny

Kaixo,
Atseginez jakinarazten dugu GCompris-en 2.2 bertsioa argitaratu dela.

Hau, mantentze-lanak dituen argitalpen bat da, eta 2.0 edo 2.1 duten GNU/Linux banaketa guztiek 2.2era eguneratu beharko lukete.

Hona hemen egindako aldaketen laburpen bat:

• Uraren zikloa eta Energia berriztagarria jardueretan irudi berriak, eta arazo txiki asko konpondu dira.
• Irudi berriak Tangram jardueran.
• Alegiazko teklatuan letren ordena hobea (GCompris-en ezarritako tokiko ezarpenei jarraitzen die).
• Android-en Oreka kaxa jarduera abiatzean ematen zen kraskatzea konpondu da.
• Beste zuzenketa eta hobekuntza txiki asko.

Itzulpenei dagokienez:

• Errusiera itzulpena osatu da.
• Norvegiera Nynorsk-erako ahots berriak gehitu dira (guztiak, sarrerako ahotsak izan ezik).

Bertsio berri honen paketeak aurki ditzakezu GNU/Linux, Windows, eta macOS-rako, zama-jaisteko orrian. Eguneratze hau laster egongo da eskuragarri Android Play dendan, F-Droid gordetegian eta Windows dendan. Raspberry Pi-rako paketeak laster egongo dira erabilgarri.

Eskerrik asko guztiei,
Timothée eta Johnny

Kaixo,
Atseginez jakinarazten dugu GCompris-en 2.1 bertsioa argitaratu dela.

Hau, mantentze-lanak dituen argitalpen bat da, eta 2.0 duten GNU/Linux banaketa guztiek 2.1era eguneratu beharko lukete.

Aldaketa garrantzitsuena da Android bertsio zaharrago batzuetan, aktiboen zama-jaitsierak orain berriz ibili beharko litzatekeela.

Hona hemen egindako aldaketen laburpen bat:

• Ziurtagiria ez izateagatik datuak zama-jaitsi ezin duten Android telefono/tableta zaharragoetan aktiboak zama-jaisteko SSL ziurtagiria kaleratzea (https://bugs.kde.org/show_bug.cgi?id=447572).
• Oreka kaxa eta Ezabatu jardueretako grafikoak eguneratu dira.
• akats bat konpondu
• Hamartarrak ikasteko jardueretan maila aldatzerakoan izozte bat konpontzea.
• Bidea kodetzeko jardueretan teklatu kontrol lerrorako etiketa lodia gehitzea.
• Konpondu amaierara kiribiltzean jardueren zerrenda botoia ikusgai ez egotea.
• Windows-en, kendu HiDPI pantailetako lausotasuna GCompris instalatzean.

Itzulpenei dagokienez:

• Bretoiera eta Mazedoniera osatu dira.
• Txekiera itzuli da (% 80tik gorako itzulpen partziala, oraingoz).

Bertsio berri honen paketeak aurki ditzakezu GNU/Linux, Windows, eta macOS-rako, zama-jaisteko orrian. Eguneratze hau laster egongo da eskuragarri Android Play dendan, F-Droid gordetegian eta Windows dendan. Raspberry Pi-rako paketeak laster egongo dira erabilgarri.

Eskerrik asko guztiei,
Timothée eta Johnny

Kaixo,
Atseginez iragartzen dugu GCompris 2.0ren argitalpena. Adin guztietako haurrak hezteko duen balioak eta eskaintzen dituen dibertsio orduek ospakizun-opor hauetarako opari ezin hobea bihurtzen dute.

Jarduera berri eta hobetu ugari ditu. Hona hemen egindako aldaketen laburpen bat.

Jarduera berriak:

• Haurrentzako sagua, ordenagailu batekin aurreneko aldiz ibiltzen ikasten ari diren umeentzako da.
• Oware, Afrikako estrategia-joko tradizional bat da, ordenagailuaren aurka edo lagun batekin joka daiteke.
• Ibilbidea kodetzean, absolutuan nahiz erlatiboan, haurrek jarraibide multzo bat eman behar dute lauki-sare batean definitutako bide bat jarraitzeko.
• Ibilbidea deskodetzea, absolutua nahiz erlatiboa, alderantzizkoa da. Haurrek jarraibide multzo bati dagokion bide bat sortu behar dute.
• Kopuruak ikastean, helburua, kopuru bat adierazteko zenbat elementu behar diren zenbatzea da.
• Zenbaki hamartarrak ikastean, haurrek unitateak zatitzen dituzte zenbaki hamartarren kontzeptua ikasteko.
• Ikasi hamartarren batuketak eta Ikasi hamartarren kenketek Zenbaki hamartarrak ikastearen oinarri berdinak erabiltzen ditu, oraingoan, eragiketa hauetan trebatzeko.
• Zenbakiak ordenatzean, haurrak zenbakiak ordena gorakorrean edo beherakorrean ordenatzen treba daitezke.
• Letrak ordenatzean, haurrak, letrak ordena alfabetikoan edo alderantzizkoan ordenatzen treba daitezke.
• Perpausak ordenatzea beste urrats bat da, non haurrek perpausa baten zatiak ordenatuz irakurketa eta gramatika landu dezaketen.
• Posizioak, objektu baten posizio erlatiboa deskribatzeko terminoak ikasteko jarduera bat da.

Hobetutako jarduerak:

• Elektrizitate analogikoak tutoretza-maila multzo berri bat du.
• Labirintoa programatzeak begizta eragiketak dituen datu-multzo berri bat du, eta bere tutoretzaren irudiak, orain, itzulita daude.
• Kapela magikoa jarduerek haur gazteagoentzako datu-multzo berriak dituzte.
• Eguzki-sisteman, orain, Lurreko egun eta urteak erabiltzen ditugu unitate gisa planeta guztietarako.
• Geografia jardueretan, mapa guztiak berriz marraztu eta eguneratu dira, proiekzio hobea eta svg formatua erabiliz. Asiako alde bakoitzerako mapa berriak ere gehitu ditugu (Ekialde, Hego-ekialde, Hegoalde, Erdialde eta Mendebaldekoa).
• Irudi berriak eta ikus-hobekuntzak Hanoï jardueretan, Falta duen letran, Diru jardueretan, Argazki ehiztarian, Margotze errazean eta Tangramen.
• svg mapak eta buru-hausgarriak sortzen laguntzeko Inkscape hedapen berri bat dugu (https://invent.kde.org/education/gcompris/-/tree/master/tools/inkscape).

... eta beste hainbat zuzenketa eta hobekuntza txiki.

Itzulpenen atalean, GCompris 2.0 33 hizkuntzara itzulita dago. 26tan dago erabat itzulita: azerbaijanera, albaniera, euskara, Brasilgo portugesa, Britainiako ingelesa, katalana, katalana (valentziera), txinera tradizionala, nederlandera, estoniera, finlandiera/suomiera, frantsesa, greziera, hebreera, hungariera, indonesiera, italiera, lituaniera, malabarera, poloniera, portugesa, errumaniera, esloveniera, gaztelania, suediera, ukrainera. 7 daude hein batean itzulita: (alemana (%96), norvegiera Nynorsk (%96), bielorrusiera (%83), mazedoniera (%82), bretoiera (%80), turkiera (%76) eta errusiera (%76)).

Ohikoa den bezala, bertsio berri honen paketeak aurki ditzakezu GNU/Linux, Windows, Android, Raspberry Pi eta MacOSrako, zama-jaisteko orrian. Eguneratze hau laster egongo da eskuragarri Android Play saltokian, F-Droid gordetegian eta Windows saltokian.

Eskerrik asko guztiei,
Timothée eta Johnny