Large GCompris Logo

GCompris

GCompris é unha colección de programas educativos que inclúe numerosas actividades para nenas e nenos de entre 2 e 10 anos.

Algunhas das actividades están orientadas ao xogo, pero son aínda así educativas.

Esta é unha lista de categorías de actividades con algúns exemplos:

  • descubrimento do computador: teclado, rato, pantalla táctil…
  • lectura: letras, palabras, práctica de lectura, teclear texto…
  • aritmética: números, operacións, memorización de táboas, enumeración, táboas de dúas entradas…
  • ciencias : control da canle, ciclo da auga, enerxía renovábel…
  • xeografía: países, rexións, cultura…
  • xogos: xadrez, memoria, catro en liña, aforcado, tres en liña…
  • outros: cores, formas, Braille, horas…

Actualmente GCompris ofrece máis de 100 actividades e máis están sendo desenvolvidas. GCompris é un software libre, o que significa que pode adaptalo ás súas propias necesidades, melloralo e, máis importante, compartilo con todos os nenos.

O proxecto GCompris está aloxado e desenvolvido pola comunidade KDE.


Últimas novas

Publicado GCompris 0.96
2019-03-03 
gcompris banner

Ola,
Comprácenos anunciar a publicación da versión 0.96 de GCompris.

Esta nova versión inclúe actualizacións nas traducións de varios idiomas, e algunhas correccións de fallos.

Traducións que recibiron unha actualización significativa:

  • Portugués do Brasil (100%)
  • Bretón (100%)
  • Finlandés (90%)
  • Indonesio (100%)
  • Noruegués (97%)
  • Polaco (100%)

  • Isto significa que agora 19 idiomas con traducións completas: bretón, catalán, chinés tradicional, francés, galego, grego, húngaro, indonesio, inglés británico, italiano, malaialam, neerlandés, polaco, portugués, portugués do Brasil, romanés, sueco, ucraíno e valenciano.

    We still have 15 partially supported languages: Basque (78%), Belarusian (68%), Chinese Simplified (69%), Estonian (62%), Finlandés (90%), German (84%), Hindi (76%), Irish Gaelic (82%), Noruegués (97%), Russian (77%), Scottish Gaelic (70%), Slovak (62%), Slovenian (56%), Spanish (93%), Turkish (73%).

    Nesta versión decidimos volver manter as traducións que caeron por debaixo do 80%. Sería triste desactivar 10 idiomas no aplicativo, pero se ninguén actualiza as seguintes traducións desactivaranse na próxima versión: bielorruso (68%), chinés simplificado (69%), eslovaco (62%), esloveno (56%), estoniano (62%), éuscara (78%), gaélico escocés (70%), hindú (76%), ruso (77%) e turco (73%).

    Para a versión de Windows engadimos unha nova entrada no menú de inicio chamada GCompris (modo seguro) para inicialo co modo de renderización por software. Isto fíxose necesario porque a funcionalidade de detección automática de OpenGL non sempre funcionaba. Agora os usuarios poden escoller facilmente entre renderización mediante OpenGL ou software sen cambiar o ficheiro de configuración.

    Problemas coñecidos:

  • A barra de progreso das descargas xa non funciona. Trátase dun efecto secundario de pasar a aloxar os ficheiros mediante HTTPS. Estamos vendo de mellorar isto na seguinte versión.

  • Como nota aparte dedicada a empaquetadores de distribucións de GNU/Linux, esta nova versión require OpenSSL para descargar voces e imaxes adicionais.

    Como sempre pode descargar esta nova versión desde a nosa páxina de descargas. Tamén estará dispoñíbel en breves nas tendas de Android e Windows.

    Grazas a todos,
    Timothée e Johnny

    GCompris volve estar dispoñíbel para Mac OSX
    2019-01-22 
    gcompris banner

    Ola,
    Boas novas para os usuarios de Mac: por fin temos unha nova versión de GCompris para OSX!

    A última versión de GCompris para OSX foi a 0.52 de hai 3 anos. Desde entón ningunha persoa do equipo puido actualizala por falta de hardware. Grazas a Boudewijn, da Fundación Krita, agora temos un pequeno Mac Mini, vello pero suficiente para construír os nosos paquetes. Levoume varios días de dedicación aprender a nova plataforma e actualizar o sistema de construción para producir un paquete para distribuír.


    Este paquete construíuse en probouse en OSX 10.13. Se ten a oportunidade de probalo noutra versión de OSX, agradeceríamos que nos informase sobre se funciona.

    O instalador .dmg está dispoñíbel na páxina de descargas.

    Esta vez decidimos deixar de distribuílo mediante a tenda de aplicativos. Sobre a versión de iOS, de momento non me vou poñer con ela, e aínda non temos ningún dispositivo co que probala.

    Notas: este paquete está baseado na versión 0.95 de GCompris. Está construído coa última versión de Qt (5.12.0), o que introduciu algunhas regresións. Corriximos todos eses problemas, pero algunhas desas correccións aínda non saíron da versión de desenvolvemento. Algunhas das actividades están rotas (damas, braille, alfabeto braille, algoritmo), pero publicaremos unha nova versión o mes que ven que tamén corrixirá eses pequenos problemas.

    Grazas a todos,
    Timothée, do equipo de GCompris

    Todas as noticias