GCompris

Un dastumadeg a-feson gant obererezhioù ha c'hoarioù kelennadel evit ar vugale etre 2 ha 10 vloaz eo GCompris.

Obererezhioù 'zo a zo bet troet da c'hoarioù, chom a reont kelennadel avat.

Setu ur roll eus rummadoù an obererezhioù gant un toullad skouerioù :

dizoleiñ an urzhiataer : klavier, logodenn, skramm stekiñ ...
lenn : lizherennoù, gerioù, pleustriñ war al lenn, bizskrivañ ...
jediñ : niveroù, jedadurioù, taolennoù eñvoriñ, an niveriñ, taolennoù daou du ...
skiantoù : ober gant ur skluz, kelc'hiad an dour, gremm adnevesadus ...
geografiezh : broioù, rannvroioù, sevenadur ...
c'hoarioù : echedoù, memor, pevar a-steud, an den krouget, tri merk a-steud ...
traoù all : livioù, stummoù, Braille, lenn an eur ...

Ouzhpenn 100 obererezh zo kinniget gant GCompris evit ar poent ha reoù all zo war ar stern. Ur meziant digor eo GCompris, da lârout eo ez oc'h aotreet da azasaat ar meziant diouzh hoc'h ezhommoù, d'e wellaat hag ar pep pouezusañ, aotreet oc'h da rannañ GCompris gant an holl vugale er bed.

Raktres GCompris zo herberc'hiet ha diorroet gant kumuniezh KDE.

Keleier nevesañ

GCompris stumm 2.4

2022-04-13

Hiziv e kinnigomp stumm 2.4 GCompris.

Gwellaet hon eus ment an holl bakadoù evit an holl savennoù hag ar restr diavaez evit skeudennoù ar gerioù (~30% bihanoc'h).

M'ho peus lammet ar pellgargañ otomatik hag e fell deoc'h kaout restr klok ar skeudennoù e renkit mont er restr kefluniañ ha klikañ war "Pellgargañ restr klok ar skeudennoù".

M'ho peus ar stumm nevesañ e teu an destenn "Full word image set is installed" war-wel en traoñ.

Mouezhioù digoradur Nynorsk Norwegia a zo bet ouzhpennet gant Karl Ove Hufthammer and Øystein Steffensen-Alværvik. Mouezhioù Malayalameg a zo bet klokaet gant Aiswarya Kaitheri Kandoth.

Hizivaet eo bet an tresadennoù evit meur a obererezh.

Mennet hon eus un nebeud kudennoù en obererezhioù Gremm adnevesadus, Kelc'hiad an dour ha Kevrediñ kempoell.

Bez' e c'hallit kavout pakadoù ar stumm nevez-mañ evit GNU/Linux, Windows, Raspberry Pi ha MacOS war ar bajenn bellgargañ. An hizivaat a vo deus outañ a-benn nebeut en Android Play store, an dastumlec'h arloadoù F-Droid hag er Windows store.

Trugarez d'an holl,
Timothée & Johnny

GCompris stumm 2.3

2022-02-27

Hiziv e kinnigomp stumm 2.3 GCompris.

Goude bezañ dizoloet ur fazi a freuze 3 obererezh hon eus dibabet mennañ buan anezhañ ha kinnig dres ur c'hempenn nevez.

Trugarez d'an holl,
Timothée & Johnny

An holl geleier