Hizkuntza guztietako ahotsak gehituta, instalatzailea pisutsuegia izango litzateke, eta erabiltzaile gehienek bere hizkuntzako ahotsak baino ez dituzte nahi izaten. Irudi gehigarriak eta atzeko planoko musikak leku asko behar du, eta ez dira beharrezkoak softwarea erabiltzeko. Instalatzeko oinarriaren neurria txikitzeko, haiek ez gehitzea erabaki genuen, erabiltzaileei, hala nahi badute, softwaretik zama-jaisteko aukera utziz.
Softwareak ezer automatikoki zama-jaistea nahi ez baduzu, konfiguratzeko orri nagusiko "Gaitu kanpoko aktiboen zama-jaiste/eguneratze automatikoak" aukera ezgaitu dezakezu.
GARRANTZITSUA: GCompris-en 4.0 baino bertsio zaharragoetarako, beheko jarraibide guztietarako "data3" "data2"-rekin ordezkatu behar duzu.
GARRANTZITSUA: GCompris-en 4.0 bertsiotik, .rcc fitxategietan, azken eguneratzearen data gehitu dugu. Beraz, "Contents" fitxategietan azkenekoaren izena zein den begiratu behar duzu hura zama-jaitsi aurreti. Adibidez: backgroundMusic-ogg-2024-03-19-11-10-30.rcc . Bertsio zaharragoetan, fitxategi-izenek ez dute data. Adibidez: backgroundMusic-ogg.rcc
GARRANTZITSUA: ondoko jarraibideetan, ordeztu "-codecName" eta ipini "-mp3" Windows sistemetan, edo "-ogg" Linux edo Android sistemetan, edo "-aac" macOS sistemetan. Gainera, ordeztu "-localeCode" zure tokiko («locale») kodearekin. Eta gorago azaldu bezala, GCompris-en 4.0 bertsiotik, ordeztu "-date" "Contents" fitxategian aurkitu duzun datarekin; bertsio zaharragoetan, kendu "-date" zatia.Aktibo gehigarriak esteka honetatik zama-jaitsi ditzakezu:
https://cdn.kde.org/gcompris/data3/
Atzeko planoko musikarako, "backgroundMusic" izeneko karpetara joan behar duzu eta 2 fitxategi horiek zama-jaitsi behar dituzu:
Contents backgroundMusic-codecName-date.rcc
Ondoren kopiatu 2 fitxategi horiek, aplikazioaren cache karpetan, "backgroundMusic" izeneko karpeta batean.
Ahotsetarako, "voices-codecName" izeneko karpetara joan behar duzu eta 2 fitxategi horiek zama-jaitsi behar dituzu:
Contents voices-localeCode-date.rcc
Ondoren kopiatu 2 fitxategi horiek, aplikazioaren cache karpetan, "voices-codecName" izeneko karpeta batean.
Irudientzat, "words" izeneko karpetara joan behar duzu eta 2 fitxategi horiek zama-jaitsi behar dituzu:
Contents words-webp-date.rcc
Ondoren, kopiatu 2 fitxategi horiek aplikazioaren cache karpetan, "words" izeneko karpeta batean.
Sistema eragilearen arabera, cache karpetarako bide-izena ezberdina da.
Windows-eko bide-izena:
C:\Users\Username\AppData\Local\KDE\GCompris\cache\data3\
Linux-eko bide-izena:
/home/userName/.cache/KDE/gcompris-qt/data3/
Android-eko bide-izena (superrerabiltzailearen sarbidea izan behar duzu karpeta hori editatzeko):
/data/data/net.gcompris.full/data3/
macOS-ko bide-izena:
~/Library/Caches/KDE/gcompris-qt/data3/
Biak dira. Hasieratik, GCompris beti izan da eta oraindik da GNU pakete bat. 2014tik KDE Komunitateak mantentzen du.
GCompris izenaren soinuak frantseseko "J'ai compris"ren antzeko soinua du, "Ulertu dut" esan nahi duena. Gainera, G-k GNU ordezkatzen du.
Eduki eta mendekotasun guztiak AGPLv3 lizentziarekin bateragarriak diren lizentzien pean daude.
iOS-rako softwarea eraikitzeko eta argitaratzeko eskakizunak ez dira bateragarriak software honek erabiltzen dituen GPLv3 eta AGPLv3 lizentziekin.
Android-erako dagoeneko Play saltokian eta «F-Droid»en argitaratzen dugu, saltoki/biltegi guztietan argitaratzeak lan gehiegi eskatuko luke. Fire tableta bat erabiltzen baduzu, zuzenean instala dezakezu apk berriena gure webgunetik, eta hirugarrenen abiarazle bat erabil dezakezu haur profil batetik aplikazioa atzitzeko.