GCompris-in mund ta instaloni që nga Windows Store.
Shënim: Windows Store lyp Windows 10.
Ndryshe, mund të shkarkoni instaluesin që nga lidhjet më poshtë.
Domosdoshmëri sistemi: Windows 7, 8 ose 10, me mbulim të OpenGL 2-shit.
• GCompris 4.2-Windows 64bit • GCompris 4.2-Windows 32bit
Shënim: Nëse sistemi juaj nuk ka mbulim për OpenGL 2, ose nuk funksionon si duhet, ju lutemi, përdorni zërin GCompris (Safe Mode) te menuja e nisjes, për ta nisur GCompris-in nën mënyrën “software rendering”, e cila s’përdor OpenGL.
Nëse ju duhet vërtet një version që xhiron në Windows XP, ose, nëse sistemi juaj s’e mbulon versionin e ri, mund të përdorni instaluesin e fundit prej GCompris 15.10 të dikurshëm.
• GCompris 15.10-Windows 32bit
Që të aktivizoni krejt veprimtaritë në këtë version të vjetër, mund të përdorni kodin 200202 te kuadrati që përmban fjalën CODE, kur nisni aplikacionin.
Versioni për Android shpërndahet përmes Play Store.
• GCompris 4.2 for Android
Mbulojmë që të dy llojet, android 32bit dhe 64bit, që nga Play Store. Versioni i duhur shkarkohet automatikisht, në varësi të sistemit tuaj operativ Android.
GCompris mund të merret edhe prej F-Droid, depoja për aplikacione Android të Lira dhe me Burim të Hapur.
• GCompris 4.2 from F-Droid
Mundeni edhe të shkarkoni drejtpërsëdrejti apk-në që nga sajti ynë, për ta instaluar dorazi në pajisjen tuaj.
• GCompris 4.2 apk for Android 64bit • GCompris 4.2 apk for Android 32bit
Për pajisje që xhirojnë Android 2.3 deri në 4.0, versioni i fundit i përputhshëm është GCompris 0.81.
Versionin për macOS mund ta merrni prej lidhjes më poshtë.
Montuar dhe provuar në macOS 10.13.
• GCompris 4.2-Darwin
Mund të kontrolloni nëse shpërndarja juaj jep një paketë për versionin më të ri të GCompris-së.
Furnizojmë paketa të pavarura për GNU/Linux. Do të duhej të funksiononin në çfarëdo shpërndarje të freskët. Domosdoshmëri sistemi: linux kernel 3.10, glibc 2.17, pulseaudio, gstreamer 1.0.
• GCompris 4.2-Linux 64bit • GCompris 4.2-Linux 32bit
Për ta përdorur, hapni një terminal, kaloni te dosja ku shkarkuat instaluesin dhe xhironi këto urdhra:
chmod u+x gcompris-qt-4.2-Linux64.sh ./gcompris-qt-4.2-Linux64.sh
Mandej lexoni licencën ose shtypni q për ta anashkaluar, përgjigjuni “yes” pyetjeve, dhe software-i do të instalohet në një dosje të re në krah të instaluesit.
Më në fund, që të nisni GCompris, kaloni te dosja e re, në bin, dhe dyklikoni mbi compris-qt.sh.
Shënim: Nëse sistemi juaj nuk përmban mbulim për OpenGL 2 ose nëse nuk funksionon si duhet, ju lutemi, shtoni mundësinë "--software-renderer" në fund të rreshtit të fundit të programthit gcompris-qt.sh. Një rrugë tjetër është të përpunohet kartela e formësimit (te ~/.config/gcompris-qt/gcompris-qt.conf): gjeni rreshtin renderer=auto , zëvendësoni “auto” me “software” (pa thonjëzat) dhe ruajeni kartelën.
Ndryshe, mund ta instaloni GCompris-në që nga Flathub, ose nga shitorja e Snap-it.
Japim një paketë më vete për Raspberry Pi. Qe testuar vetëm me Raspberry Pi 3.
• GCompris 4.2-Raspberry Pi 3
Për ta përdorur, hapni një terminal, kaloni te dosja ku shkarkuat instaluesin dhe xhironi këto urdhra:
chmod u+x gcompris-qt-4.2-Raspberry.sh ./gcompris-qt-4.2-Raspberry.sh
Mandej lexoni licencën ose shtypni q për ta anashkaluar, përgjigjuni “yes” pyetjeve, dhe software-i do të instalohet në një dosje të re në krah të instaluesit.
Më në fund, që të nisni GCompris, kaloni te dosja e re, në bin, dhe dyklikoni mbi compris-qt.sh.
Kodi burim është i passhëm sipas licencës GPLv3.
• GCompris 4.2-source code
Për të kontrolluar integritetin e shkarkimeve tuaja mund të merrni hashin origjinal SHA-256 të kartelave duke shtuar “.sha256” në fund të URL-së përkatëse të shkarkimit.
Paketa tarball e burimit dhe instaluesit për Linux janë nënshkruar me kyçin GPG nga Timothée Giet (kyç publik: 0x63d7264c05687d7e.asc)
kartela nënshkrimesh: • GCompris 4.2-source code • GCompris 4.2-Linux 64bit • GCompris 4.2-Linux 32bit