Bez' e c'hallit staliañ GCompris diwar Windows Store.
Da c'houzout : Dav eo kaout Windows 10 evit implijout Windows Store.
Mod all e c'hallit pellgargañ ar meziant staliañ gant al liammoù amañ-dindan.
Ezhommoù ar reizhiad : Windows 7, 8 pe 10 gant OpenGL 2 staliet.
• GCompris 4.0-Windows 64bit • GCompris 4.0-Windows 32bit
Da c'houzout : Ma n'hallit ket implijout OpenGL2 gant hoc'h urzhiataer, implijit mar plij ar mod asur e GCompris (Safe Mode) el lañser pennañ evit loc'hañ GCompris gant ar stumm ne ra ket gant OpenGL : software rendering mode.
M'ho peus ezhomm da gaout ur stumm implijapl gant Windows XP pe ma ne c'hall ket ho sistem ober gant ar stumm nevez, e c'hallit implijout ar meziant staliañ diwezhañ diwar ar GCompris kozh 15.10.
• GCompris 15.10-Windows 32bit
Evit gallout ober gant an holl obererezhioù er stumm kozh-se e c'haller implijout ar c'hod 200202 er frammig ennañ ar ger CODE pa groger gant ar meziant.
Ar stumm evit Android zo dasparzhet dre ar Play Store.
• GCompris 4.0 for Android
Er Play Store e vo kavet an daou stumm 32 ha 64 bit evit android. Ar stumm dereat a vo pellgarget end-eeun hervez ho reizhiad Android.
Bez' ez eus ivez GCompris diwar F-Droid, ar vammenn dieub ha digor evit dastumlec'h arloadoù Android.
• GCompris 4.0 from F-Droid
Bez' e c'haller ivez pellgargañ end-eun an apk diwar hol lec'hienn ha staliañ anezhañ gant an dorn war ar benveg.
• GCompris 4.0 apk for Android 64bit • GCompris 4.0 apk for Android 32bit
Evit an ardivinkoù o treiñ gant Android 2.3 betek 4.0, setu ar stumm nevesañ a glot: GCompris 0.81.
Ar stumm evit macOS a c'hallit kaout dre al liamm amañ-dindan.
Savet hag amprouet war v/macOS 10.13.
• GCompris 4.0-Darwin
Bez' e c'hallit gwiriañ hag-eñ e vez kinniget ur pakad evit stumm nevesañ GCompris gant ho tasparzh.
Kinnig a reomp pakadoù emren evit GNU/Linux. War ne vern peseurt dasparzh e rankfent mont en dro. Ezhommoù ar reizhiad : linux kernel 3.10, glibc 2.17, pulseaudio, gstreamer 1.0.
• GCompris 4.0-Linux 64bit • GCompris 4.0-Linux 32bit
Evit hen implijout, dav eo digeriñ un dermenell er restr lec'h m'eo bet pellgarget ar meziant staliañ ha kas an urzhioù-mañ :
chmod u+x gcompris-qt-4.0-Linux64.sh ./gcompris-qt-4.0-Linux64.sh
Ret eo lenn goude an aotre pe pouezañ war q evit tremen hepti, respont ya d'ar goulennoù ha staliet e vo ar meziant en ur restr stok ouzh ar meziant staliañ.
Er fin e ranker, evit loc'hañ GCompris, mont er restr nevez, e bin, ha daouglikañ war gcompris-qt.sh.
Da c'houzout : ma ne ra ket ho reizhiad gant OpenGL 2 e mod pe vod, dav eo ouzhpennañ an dibab "--software-renderer" e fin al linenn diwezhañ e skript gcompris-qt.sh. Mod all e c'haller ivez embann ar restr kenfluniañ (e ~/.config/gcompris-qt/gcompris-qt.conf), klask al linenn renderer=auto, skrivañ software e lec'h auto hag enrollañ ar restr.
Mod all e c'hallit staliañ GCompris diwar Flathub pe diwar ar Snap store.
Kinnig a reomp ur pakad emren evit Raspberry Pi. Amprouet eo bet war Raspberry Pi 3 hepken.
• GCompris 4.0-Raspberry Pi 3
Evit hen implijout, dav eo digeriñ un dermenell er restr lec'h m'eo bet pellgarget ar meziant staliañ ha kas an urzhioù-mañ :
chmod u+x gcompris-qt-4.0-Raspberry.sh ./gcompris-qt-4.0-Raspberry.sh
Ret eo lenn goude an aotre pe pouezañ war q evit tremen hepti, respont ya d'ar goulennoù ha staliet e vo ar meziant en ur restr stok ouzh ar meziant staliañ.
Er fin e ranker, evit loc'hañ GCompris, mont er restr nevez, e bin, ha daouglikañ war gcompris-qt.sh.
Kod ar vammenn zo deus outañ dindan an aotregezh AGPLv3.
• GCompris 4.0-source code
A-benn gwiriañ anterinder ho pellgargadennoù e c'hallit kaout stumm orin ar restrou hash SHA-256 en ur ouzhpennañ ".sha256" e fin hoc'h URL pellgargañ.
Ar vammenn tarball hag ar meziantoù staliañ Linux zo sinet dindan an alc'hwez GPG, gant Timothée Giet (alc'hwez foran : 0x63d7264c05687d7e.asc)
Restroù sig : • GCompris 4.0-source code • GCompris 4.0-Linux 64bit • GCompris 4.0-Linux 32bit