Meziant erounezadus evit Windows

Un handelv windows eus GCompris zo anezhi. Diwallit, evit bountañ war arver GNU/Linux n’emañ ket an holl obererezhioù enni. Prenet e vez GCompris evit kaout an holl obererezhioù. Ne goust ket kêr ruz.

2 handelv eus GCompris ez eus anezhi :

  GCompris 7.4 : evit Windows 98 ha nevesoc’h. N’emañ ket holl obererezhioù an handelv GNU/Linux gant an handelv-mañ. Kavet e vo an obererezhioù a zo hegerz war ar bajennad-mañ dre sellout arlun Windows.

  GCompris 8.3 ha nevesoc’h : evit Windows 2000 ha nevesoc’h. Holl obererezhioù an handelv GNU/Linux zo gant an handelv-mañ.

Evit staliañ GCompris, pellgargit restr gcompris-X.X.exe.

Gwaredit ar restr war ho kantenn galet ha daouglikit warni. Heuilhit an ditouroù (war-lerc’h, war-lerc’h,...).

CD-ROM boulc’hus

Ur gantenn voulc’hus eo ur gantenn stumm (CD-ROM) gant ur reizhiad korvoiñ klok warni o lakaat ar reizhiad korvoiñ-mañ da vezañ emren. Pa vo loc’het hoc’h urzhiataer gant ur gantenn e-barzh e vo lañset hag erounezet gant hoc’h urzhiataer.

Meur a gantenn voulc’hus ez eus gant GCompris warno :

  Freeduc CDROM, ur strollad meziantoù kelennadel savet gant Kevredigezh Ofset.

  Knoppix DVDROM gant ur reizhiad GNU/Linux klok o kinnig GCompris.

  Un dasparzhadenn Linux eo Kaella (Knoppix Linux Azur) o chom war ur gantenn ha mont a ra en-dro hep staliañ an disterañ tra war gantenn galet hoc’h urzhiataer. Ur reizhiad korvoiñ klok eo, pourvezet gant an holl meziantoù ret evit arverañ un urzhiataer : merdeer internet, posteloù, lennerioù liesvedia (skeudenn, luc’hskeudenn, sonioù, videoioù), c’hoarioù, h.a...

Pakadoù erounezadus evit ar reizhiadoù all

War sourceforge emañ handelv diwezhañ GCompris.

Krouet eo pakadoù daouredel GCompris hag a zo war sourceforge e mentrezh autopackage.

Mar bez diaes deoc’h staliañ handelv diwezhañ GCompris e vez kavet un handelv rakpaket evit ho tasparzhadenn war ar roll amañ dindan.